ସୂଚନା ଅନୁଯାଇ ବର୍ତମାନ ସୁଧା ଆମେରିକାରେ ମୋଟ ୧୪୨,୧୭୮ ଜଣ ଲୋକ କରୋନାଭାଇରସ୍ ସଂକ୍ରମଣ ହୋଇଛନ୍ତି,ଯୁକ୍ତରାଷ୍ଟ୍ର ଆମେରିକା ରେ ଗତ ୨୪ ଘଣ୍ଟା ମଧ୍ୟରେ କରୋନାଭାଇରସ୍ ସଂକ୍ରମଣ ଫଳରେ ୩୪୫ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୧୮,୦୦୦ ଜଣ ଲୋକ ଆକ୍ରାନ୍ତ ହୋଇଥିବାର ଏକ ରିପୋର୍ଟରୁ ଜଣାପଡ଼ି।
ଗ୍ରାମି ଏବଂ ସିଏମଏ ପୁରସ୍କାର ସମ୍ମାନ ପାଇଥିବା ଆମେରିକାର ପ୍ରସିଦ୍ଧ ଗାୟକ ଜୋ ଡିଫି କରୋନାଭାଇରସ୍ ସଂକ୍ରମଣ ଫଳରେ ମୃତ୍ୟୁ ବରଣ କରିଥିବା ଜଣାପଡିଛି । ତାଙ୍କୁ ମୃତ୍ୟୁ ବେଳକୁ ୬୧ ବର୍ଷ ହୋଇଥିଲା । ସୋସିଆଲ ମିଡିଆରେ ତାଙ୍କର ବନ୍ଧୁମାନେ ମୃତ୍ୟୁ ବିଷୟରେ ସୂଚନା ଦେଇଛନ୍ତି। ୧୯୯୦ ମସିହାରେ ତାଙ୍କ ସଂଗୀତ ଆଲବମ କୁ ନେଇ ବେଶ ଚର୍ଚ୍ଚାରେ ଥିଲେ ପ୍ରସିଦ୍ଧ ଗାୟକ ଜୋ ଡିଫି ।
କିଛି ଦିନ ପୂର୍ବେ ସେ କହିଥିଲେ ଯେ ମହାମାରୀର ଏହି ସମୟରେ ମୁଁ ମୋର ପ୍ରଶଂସକମାନଙ୍କୁ କହିବାକୁ ଚାହେଁ ଯେ ଆମ ସମସ୍ତଙ୍କୁ ସତର୍କ ଏବଂ ସାବଧାନ ରହିବାକୁ ଦରକାର, ଶୁକ୍ରବାର ଦିନ କରୋନା ଭୁତାଣୁ ସଂକ୍ରମଣ ହୋଇଥିବା ଚିହ୍ନଟ କରାଯାଇଥିଲା ଯାହା ପରେ ତାଙ୍କର ଚିକିତ୍ସା ଆରମ୍ଭ ହୋଇଥିଲା। ଏହା ସହ ଜାପାନର ହାସ୍ୟ ଅଭିନେତା କେନ୍ ଶିମୁରା ମଧ୍ୟ ରବିବାର ମୃତ୍ୟୁ ବରଣ କରିଥିବା ଜଣା ପଡିଛି ।
