ବଲିଉଡ ଫିଲ୍ମ ‘ଲୁକ୍କା ଛୁପ୍ପି’ ଆଜି ଫିଲ୍ମ ପଦାକୁ ଆସିବା । ପ୍ରଥମଥର ପାଇଁ ଏହି ଫିଲ୍ମ ମାଧ୍ୟମରେ କାର୍ତ୍ତିକ ଆର୍ଯ୍ୟନ ଓ କ୍ରିତି ସାନନ୍ଙ୍କୁ ଏକାଠି ଦେଖିବାକୁ ମିଳିବ । ଏକ ଭିନ୍ନସ୍ବାଦର ପ୍ରେମ କାହାଣୀ ଉପରେ ଆଧାରିତ ବୋଲି ଫିଲ୍ମ ନିର୍ମାତା କହିଛନ୍ତି ଏହାସହ ଏହି ଫିଲ୍ମ ରୋମାଣ୍ଟିକ୍ କମେଡି ଫିଲ୍ମ ବୋଲି ଜଣ ପଡିଛି ।
ଏହାର ପ୍ରଯୋଜନା ଭାର ଦୀନେଶ ବିଜନ ତୁଲାଇଥିବା ବେଳେ ନିର୍ଦ୍ଦେଶନା ଦେଇଛନ୍ତି ଲକ୍ଷ୍ମଣ ଉଟେକର୍ । ଫିଲ୍ମର ଲିଡ୍ ରୋଲ୍ରେ କାର୍ତ୍ତିକ ଓ କ୍ରିତି ଅଭିନୟ କରିଥିବା ବେଳେ ଅନ୍ୟାନ୍ୟ ପ୍ରମୁଖ ଭୂମିକାରେ ଅପାରଶକ୍ତି ଖୁରାନା, ପଙ୍କଜ ତ୍ରିପାଠୀ, ଅତୁଲ ଶ୍ରୀବାସ୍ତବ, ବିନୟ ପାଠକ, ଅରୁଣ ସିଂ ପ୍ରମୁଖ ରହିଛନ୍ତି।
‘ଲୁକ୍କା ଛୁପ୍ପି’ରେ କାର୍ତ୍ତିକ ଆର୍ଯ୍ୟନଙ୍କୁ ଜଣେ ଟେଲିଭିଜନ ରିପୋର୍ଟର ଭୂମିକାରେ ଦେଖିବାକୁ ମିଳିବ। ସେହିଭଳି କ୍ରିତି ସାନନ୍ଙ୍କୁ ‘ବରେଲି କି ବର୍ଫି’ ଫିଲ୍ମ ଭଳି ପୁଣିଥରେ ଏକ ଅଫ୍ବିଟ୍ ଚରିତ୍ରରେ ଦେଖିବାକୁ ମିଳିବ। ବର୍ତ୍ତମାନ ସମୟରେ କିଭଳି ସମ୍ପର୍କର ପରିଭାଷା ବଦଳୁଛି ଠିକ ସେହି ଦୃଶ୍ୟକୁ ଏହି ଫିଲ୍ମ ମାଧ୍ୟମରେ ଦର୍ଶାଯାଇଛି।
ଫିଲ୍ମର କାହାଣୀ କାର୍ତ୍ତିକ ଓ କ୍ରିତିଙ୍କ ଲିଭ୍-ଇନ୍ ରିଲେଶନଶିପ୍କୁ ରେ ଦେଖିବାକୁ ମିଳିବ। କାର୍ତ୍ତିକ ପ୍ରଥମେ କ୍ରିତିଙ୍କୁ ବିବାହ ପ୍ରସ୍ତାବ ଦେବା ପରେ ବିବାହ ପୂର୍ବରୁ ଉଭୟ ସାଙ୍ଗ ହୋଇ ରହିବାକୁ ନିଷ୍ପତ୍ତି ନେଇଛନ୍ତି। ହେଲେ ଏ ସମ୍ପର୍କରେ ସେମାନଙ୍କ ପରିବାର ଲୋକ ଜାଣିନାହାନ୍ତି। ତେବେ ଏହାପରେ କାହାଣୀରେ ରୋମାଞ୍ଚ ସୃଷ୍ଟି କରିଛି,ଓ ଉଭୟଙ୍କ ପରିବାର ଉଭୟଙ୍କ ସମ୍ପର୍କ ବିଷୟରେ ଜାଣିବାକୁ ପାଇଛନ୍ତି।
ଫିଲ୍ମଟି ମଥୁରାରେ ଶୁଟିଂ ହୋଇଥିବା ବେଳେ ଲକ୍ଷ୍ମଣ ନିର୍ଦ୍ଦେଶନା କ୍ଷେତ୍ରରେ ଡେବ୍ୟୁ କରିଛନ୍ତି। ଶୁକ୍ରବାର ସମଗ୍ର ଭାରତରେ ଫିଲ୍ମଟି ରିଲିଜ ହେଉଥିବା ବେଳେ ଏହାକୁ ପାକିସ୍ତାନରେ ରିଲିଜ ନ କରିବାକୁ ନିର୍ମାତା ନିଷ୍ପତ୍ତି ନେଇଛନ୍ତି ଏବଂ ଦର୍ଶକଙ୍କୁ ବେଶ ପସନ୍ଦ ଆସିବା ବୋଲି ମନୁମାନ କରାଯାଇଛି।
