ମଲ୍ଟି ଷ୍ଟାରର ଫିଲ୍ମ ଟୋଟାଲ୍ ଧମାଲ ଦର୍ଶକ ଙ୍କୁ ଭଲ ପସନ୍ଦ ଆସିଛି । କିଛି ଦର୍ଶକ ଏହାକୁ ଚଳିତ ବର୍ଷର ସବୁଠୁ ବଡ଼ ଏଣ୍ଟରଟେନମେଣ୍ଟ ମୁଭି ବୋଲି କହୁଥିବାବେଳେ ବକ୍ସ ଅଫିସ୍ରେ ଏହା ଧମାକାଦାର ପ୍ରଦର୍ଶନ କରୁଛି । ମାତ୍ର ୪ ଦିନରେ ଫିଲ୍ମଟି ୭୨ କୋଟି ୨୫ ଲକ୍ଷ ଟଙ୍କା ଆୟ କରି ସାରିଛି ବକ୍ସ ଅଫିସ୍ ଟ୍ରେଡ ଆନାଲିଷ୍ଟ ତରନ ଆଦର୍ଶ ଟ୍ୱିଟ୍ କରି ଜଣାଇଛନ୍ତି । ତରନଙ୍କ ଅନୁଯାୟୀ ଫିଲ୍ମଟି ପ୍ରଥମ ଦିନରେ ୧୬ କୋଟି ୫୦ ଲକ୍ଷ, ଦ୍ୱିତୀୟ ଦିନରେ ୨୦ କୋଟି ୪୦ ଲକ୍ଷ ଓ ତୃତୀୟ ଦିନରେ ଏହା ୨୫ କୋଟି ୫୦ ଲକ୍ଷ,ଓ ଚତୃର୍ଥ ଦିନ ରେ ୯ କୋଟି ୮୫ ଲକ୍ଷ ଆୟ କରିଛି। ତେବେ ଦ୍ୱିତୀୟ ସପ୍ତାହର ୱିକେଣ୍ଡ ସୁଦ୍ଧା ଏହା ୧୦୦ କୋଟି କ୍ଲବରେ ସାମିଲ ହୋଇଯିବ ବୋଲି ଫିଲ୍ମ ନିର୍ମାତା ଆଶା ରଖିଛନ୍ତି।
ଏହା ହେଉଛି ନିର୍ଦ୍ଦେଶକ ଇନ୍ଦ୍ର କୁମାରଙ୍କ ତୃତୀୟ ଫିଲ୍ମ । ଏଥିରେ ନବେ ଦଶକର ହିଟ୍ ଯୋଡ଼ି ଅନୀଲ କପୁର ଓ ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତଙ୍କୁ ଦେଖିବାକୁ ମିଳିଛି । ଏଥିସହ ଫିଲ୍ମରେ ସୁପର୍ଷ୍ଟାର୍ ଅଜୟ ଦେବଗନ, ଅର୍ସଦ ୱାର୍ସି, ରିତେଶ ଦେଶମୁଖ, ଈଶା ଗୁପ୍ତା, ବୋମନ ଇରାନି, ଜାଭେଦ୍ ଜାଫ୍ରି ଓ ଜନି ଲିଭର୍ ପ୍ରମୁଖ ଅଭିନୟ କରିଛନ୍ତି।
ଫିଲ୍ମରେ ଅଜୟ ଲିଡ୍ ରୋଲ୍ରେ ନଜର ଆସିଛନ୍ତି । ଧମାଲ ସିରିଜ୍ର ପ୍ରଥମ ଫିଲ୍ମ ‘ଧମାଲ’ର ସର୍ବମୋଟ ଆୟ ୩୨ କୋଟି ୫୧ ଲକ୍ଷ ଟଙ୍କା ଥିଲା, ସେହିପରି ଏହାର ଦ୍ୱିତୀୟ ଫିଲ୍ମ ‘ଡବଲ ଧମାଲ୍’ର ସର୍ବମୋଟ ଆୟ ଥିଲା ୪୫ କୋଟି ୬ ଲକ୍ଷ ଟଙ୍କା । ହେଲେ ସିରିଜ୍ର ତୃତୀୟ ଫିଲ୍ମ ‘ଟୋଟାଲ୍ ଧମାଲ’ର ପ୍ରଥମ ୪ ଦିନର ଆୟ ଦେଖି ଏହା ବାରି ହେଇଯାଉଛି ଯେ ଫିଲ୍ମଟି ଚଳିତ ବର୍ଷର ବ୍ଲକବଷ୍ଟର ଫିଲ୍ମ ମାନଙ୍କ ମଧ୍ୟରେ ସାମିଲ ହେବ ବୋଲି ନିର୍ମାତା ୱାଗଣୁମାନ କରିଛନ୍ତି ।
