ଏକାଠି ହେବାକୁ ଯାଉଛନ୍ତି ଅରିନ୍ଦମ୍ ଏବଂ ଅଭିନେତ୍ରୀ ଏଲିନା ସାମନ୍ତରାୟ। ଆପଣ ଏହି ଦୁଇ ଯୋଡି କୁ ବଡ ପରଦାରେ ଦେଖିପାରିବେ। ତରଙ୍ଗ ସିନେ ପ୍ରଡକ୍ସନ୍ସ ଏବଂ ରତ୍ନା ବ୍ୟାନର୍ସ ଦ୍ୱାରା ନିର୍ମାଣ ହେବାକୁଥିବା ଆଗାମୀ ଫିଲ୍ମରେ ଏହି ଯୋଡିଙ୍କୁ ଦେଖିବାକୁ ମିଳିବ। ଦର୍ଶକ ମାନଙ୍କୁ ବହୁତ ପସନ୍ଦ ହେବ ଏହି ଫିଲ୍ମ। ଫିଲ୍ମଟି ନିର୍ଦ୍ଦେଶନା ଭାର ସମ୍ଭାଳୁଛନ୍ତି ଜ୍ୟୋତି ଦାସ। ସଙ୍ଗୀତ ନିର୍ଦ୍ଦେଶନା ଦେଉଛନ୍ତି ପ୍ରେମ୍ ଆନନ୍ଦ।
ଇସ୍କ ତୁ ହି ତୁ ଫିଲ୍ମରେ ଏଲିନା ଏକ ମୁସଲ୍ମାନ୍ ଝିଅ ଭୂମିକାରେ ଅଭିନୟ କରିଥିଲେ। ଫିଲ୍ମରେ ଜଣେ ହିନ୍ଦୁ ପୁଅ ଏବଂ ମୁସଲ୍ମନ୍ ଝିଅ ମଧ୍ୟରେ ଭଲ ପାଇବା ଥିଲା ଏବଂ ସେହି ଭଲ ପାଇବାକୁ ସଫଳ କରିବା ପାଇଁ ଚାଲିଥିବା ସଂଘର୍ଷ ବିଷୟରେ ଦେଖିବାକୁ ମିଳିଥିଲା।
ଏହି ଫିଲ୍ମରେ ଅରିନ୍ଦମ-ଏଲିନାଙ୍କ ଯୋଡିକୁ ଦର୍ଶକମାନେ ବହୁତ ପସନ୍ଦ କରିଥିଲେ। ନିଜର ଦକ୍ଷତାକୁ ପ୍ରଥମ ଫିଲ୍ମରୁ ଏଲିନା ଦର୍ଶକଙ୍କ ସାମ୍ନାକୁ ଆଣିବାରେ ସଫଳ ହୋଇଥିଲେ। ତେବେ ପ୍ରଥମ ଫିଲ୍ମ ୨୦୧୫ ରେ ରିଲିଜ୍ ହେବାପରେ ଆଉ ଏକାଠି କାମ କରିନଥିବା ଏହି ଯୋଡି ପୁଣି ଥରେ ଏକ ରୋମାଣ୍ଟିକ୍ ଲଭ୍ ଷ୍ଟୋରୀ ନେଇ ଦର୍ଶକଙ୍କ ମନକୁ ଛୁଇଁବା ପାଇଁ ଆସୁଛନ୍ତି।
‘ଇଶ୍କ୍ ତୁ ହି ତୁ’ ରିଲିଜ୍ ହେବା ପୂର୍ବରୁ ଅରିନ୍ଦମ୍ ଓ ଏଲିନାଙ୍କୁ ନେଇ ଚାପା ଗୁଂଜରଣ ଖେଳିଥିଲା ଯେ ଆଉ ଏ ଦୁହେଁ ଏକାଠି କାମ କରିବେ ନାହିଁ। ଏହା ବିବଡ଼ପୁର୍ଣ କଥା ଥିଲା, କିନ୍ତୁ ପରେ ଏକ ସାକ୍ଷାତକାରରେ ଅବଶ୍ୟ ଏଲିନା ଏହି କଥାକୁ ଅସ୍ୱୀକାର କରିଥିଲେ।
ମାତ୍ର ଏବେ ପୁଣି ଅରିନ୍ଦମ୍ ଓ ଏଲିନା ଏକାଠି କାମ କରୁଛନ୍ତି। ନିଜେ ଅରିନ୍ଦମ୍ ହିଁ ଏଲିନାଙ୍କୁ ନିଜ ନୂଆ ସିନେମାରେ ନାୟିକାଭାବେ ମନୋନୀତ କରିଛନ୍ତି।
ଏହି ଫିଲ୍ମ ର ଶୁଭ ମହୁରତ୍ ଇତି ମଧ୍ୟରେ ଅନୁଷ୍ଠିତ ହୋଇ ସାରିଛି। ଏହି ଫିଲ୍ମର ନିର୍ଦ୍ଦେଶନା ଦେଇଥିବା ଜ୍ୟୋତି ଦାସ, ଯିଏ ଏହା ପୂର୍ବରୁ ବହୁତ ଫିଲ୍ମ କରିଛନ୍ତି, ଯେମିତି ତୋ’ବିନା ଭଲ ଲାଗେନା, ଶୁଭ ବିବାହ ଏବଂ ଅଶୋକ ସମ୍ରାଟ୍ ଆଦି ସିନେମାର ନିର୍ଦ୍ଦେଶନା ଦେଇଥିଲେ। ଅରବିନ୍ଦ ରାୟ ପ୍ରଯୋଜନା କରିଛନ୍ତି ଆଉ ସେ ଏହି ଓଡ଼ିଆ ଚଳଚ୍ଚିତ୍ର ପୂର୍ବରୁ ‘କଳକୀ’ ଏବଂ ଶିବା ନଟ୍ ଆଉଟ୍ ସିନେମାର ପ୍ରଯୋଜନା କରିଥିଲେ।
