ସ୍ଥାନୀୟ ମେଲବୋର୍ନ କ୍ରିକେଟ ଗ୍ରାଉଣ୍ଡ (ଏମ୍ସିଜି)ରେ ଅଷ୍ଟ୍ରେଲିଆ ଟସ୍ ଜିତ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ନିର୍ଧାରିତ ୨୦ ଓଭର ରେ ୪ ଉଇକେଟ ବିନିମୟରେ ୧୮୫ ରନର ବିଶାଳ ସ୍କୋର ସହ ବିଶ୍ୱକପ ଫାଇନାଲ ରେ ସର୍ବାଧିକ ରନ ରେକର୍ଡ କରିବା ସହ ଭାରତକୁ ବୃହତ୍ ୮୫ ରନରେ ହରେଇ ପଞ୍ଚମ ଥର ପାଇଁ ବିଶ୍ୱ କପ ବିଜୟୀ ହୋଇଛି ।
ହେଲେ ସବୁଠାରୁ ଆଶ୍ଚର୍ଯ୍ୟର କଥା ଅଷ୍ଟ୍ରେଲିଆର ଓପନର ଅଲିସା ହିଲି ୩୯ ବଲ ରୁ ୭ ଟି ଚୌକା ୫ ଟି ଛକା ସାହାଯ୍ୟରେ ୭୫ ରନ କରି ଆଇସିସି କ୍ରିକେଟ ଇତିହାସରେ ପ୍ରଥମ ଥର ପାଇଁ ଏକ ରେକର୍ଡ କରିଛନ୍ତି, ସେ ଆଇସିସି ବିଶ୍ୱକପ ଫାଇନାଲ ଉଭୟ ପୁରୁଷ ଓ ମହିଳା ପ୍ରଥମ ଖେଳାଳି ଭାବେ ଦ୍ରୁତତମ ୩୦ ବଲ ରୁ ୫୦ ରନ ସଂଗ୍ରହ କରିଛନ୍ତି, ପୂର୍ବରୁ ପାଣ୍ଡ୍ୟା ଙ୍କ ନାମରେ ଆଇସିସି ଚମ୍ପିୟାନ ଟ୍ରଫି ୨୦୧୭ ରେ ୩୨ ବଲ ରୁ ଦ୍ରୁତତମ ୫୦ ରନ ର ରେକର୍ଡ କୁ ଭାଙ୍ଗି ଦେଇଛନ୍ତି ।
ଓପନର ଅଲିସା ହିଲି ୩୯ ବଲ ରୁ ୭ ଟି ଚୌକା ୫ ଟି ଛକା ସାହାଯ୍ୟରେ ୭୫ ରନ କରି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିବା ବେଳେ ସାଥୀ ଖେଳାଳି ବେଥ ମୁନିଙ୍କୁ ଟୁର୍ଣ୍ଣାମେଣ୍ଟରେ ସର୍ବଶ୍ରେଷ୍ଠ ଖେଳାଳି ଭାବେ ପ୍ଲେୟାର ଅଫ ଦ ଟୁର୍ଣ୍ଣାମେଣ୍ଟ ପୁରସ୍କାର ଦିଆଯାଇଥିଲା। ।
