କ୍ରିକେଟ ଇତିହାସ ରେ ଏମିତି ବହୁତ ଗୁଡ଼ାଏ ଘଟଣା ହୋଇଛି ଯାହା ଦେଖିବାକୁ ଆଶ୍ଚର୍ଯ୍ୟ ଜନକ ଅଟେ । ଦେଖନ୍ତୁ ଏହି ଭଳି କିଛି ରୋଚକ ଦୃଶ୍ୟ।
ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି କେବଳ ଦେଶରେ ନୁହେଁ ବିଦେଶରେ ମଧ୍ୟ ଅନେକ ପ୍ରଶଂସକ ଅଛନ୍ତି। ବିରାଟଙ୍କ ଏମିତି ଜଣେ ଫ୍ୟାନ୍ ଅଛନ୍ତି ଯିଏ କି ତାଙ୍କ ପାଇଁ ପୁରା ପାଗଳ। ବିରାଟଙ୍କ ଭଳି ନିଜକୁ ସଜେଇ ଷ୍ଟାଡିୟମରେ ଉପସ୍ଥିତ ରୁହନ୍ତି ପ୍ରିନ୍ସ ବଡୋନିଆ। ବିରାଟ ମଧ୍ୟ ପ୍ରିନ୍ସଙ୍କ ଷ୍ଟାଇଲ୍ ଦେଖି ଆଶ୍ଚର୍ଯ୍ୟ ହୋଇ ତାଙ୍କୁ ଭେଟିବାକୁ ଇଚ୍ଛା ପ୍ରକାଶ କରିଥିଲେ।
ଦିଲ୍ଲୀରେ ଏକ ମ୍ୟାଚ ପରେ ପ୍ରିନ୍ସ କୋହଲିଙ୍କୁ ଭେଟି ଅଟୋଗ୍ରାଫ୍ ନେଇଥିଲେ। ଆଇପିଏଲ୍ର ପ୍ରତି ସିଜିନରେ ବିରାଟ ଖେଳୁଥିବା ମ୍ୟାଚରେ ପ୍ରିନ୍ସ ଷ୍ଟାଡିୟମରେ ଉପସ୍ଥିତ ରହି ତାଙ୍କୁ ଚିୟର କରିଥାନ୍ତି।
ବିରାଟ କୋହଲି ଙ୍କ ଫ୍ୟାନ ବହୁତ କ୍ରେଜି ଅଛନ୍ତି, ସେମାନଙ୍କ ଭିତରେ ମହିଳା ଫ୍ୟାନ ମାନେ ମଧ୍ୟ ଅଛନ୍ତି ।
କ୍ରିକେଟର ଭଗବାନ କୁହାଯାଉଥିବା ସଚିନ ରମେଶ ତେନ୍ଦୁଲକରଙ୍କ ଜଣେ ବଡ ପ୍ରଶଂସକ ହେଉଛନ୍ତି ସୁଧୀର କୁମାର ଚୌଧୁରୀ। ସଚିନଙ୍କ ନାଁରେ ନିଜ ଶରୀରରେ ଟାଟୁ କରିଛନ୍ତି ସୁଧୀର। ସଚିନ ଖେଳରୁ ଅବସର ନେବା ପରେ ବି ଭାରତ ଖେଳୁଥିବା ପ୍ରତି ମ୍ୟାଚରେ ସୁଧୀର ଷ୍ଟାଡିୟମରେ ଉପସ୍ଥିତ ଥାନ୍ତି। ଏପରିକି ଆଇପିଏଲରେ ମଧ୍ୟ ବିଭିନ୍ନ ଦଳକୁ ଚିୟର କରିବା ପାଇଁ ଯାଇଥାନ୍ତି ସେ। ବିସିସିଆଇ ସୁଧୀରଙ୍କ ଯାତାୟତ ଖର୍ଚ୍ଚ ବହନ କରେ। କେବଳ ସଚିନ ନୁହଁନ୍ତି ଭାରତୀୟ ଦଳର ଅନେକ ଖେଳାଳିଙ୍କ ସହ ବସି ଖାଇବାର ସୁଯୋଗ ପାଇଛନ୍ତି ସୁଧୀର।
ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ପ୍ରଶଂସକ ତାଲିକାର ସର୍ବାଗ୍ରେ ଅଛନ୍ତି ଏନ.ଶରଭାନନ। ଧୋନୀଙ୍କ ନାମରେ ସେ ଶରୀରର ଚାରିଆଡେ ଟାଟୁ କରିଛନ୍ତି। ଧୋନୀ ମଧ୍ୟ ନିଜର ଏହି କ୍ରେଜି ଫ୍ୟାନଙ୍କୁ ଦେଖି ପ୍ରଥମେ ଆଶ୍ଚର୍ଯ୍ୟ ହୋଇଯାଇଥିଲେ । ଧୋନୀ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସ(ସିଏସକେ)ଦଳକୁ ପ୍ରତିନିଧିତ୍ୱ କରୁଛନ୍ତି। ଫଳରେ ସିଏସକେ ମ୍ୟନେଜମେଣ୍ଟ ଶରଭାନନଙ୍କୁ ମାଗଣାରେ ମ୍ୟାଚ୍ ଦେଖିବା ପାଇଁ ଅନୁମତି ଦେଇଛନ୍ତି।
