ଯେତେବଡ଼ ସାହସୀ ଲୋକ ହୁଅନ୍ତୁ ନା କାହିଁକି ଭୂତ ପ୍ରେତ ନାଁ ଶୁଣିଲେ ମନରେ ଟିକେ ଭୟ ସଂଚାର ହୁଏ। ଯଦିଓ ଭୂତପ୍ରେତଙ୍କ ଅସ୍ତିତ୍ୱ ନେଇ କୌଣସି ସଠିକ୍ ପ୍ରମାଣ ମିଳିନି, କିନ୍ତୁ ଏ ବିଷୟରେ ନାନା ପ୍ରକାର କଥା ଶୁଣିବାକୁ ମିଳେ। ଲୋକମାନଙ୍କ କଥା ଶୁଣି ଶୁଣି ଭୂତ ବିଷୟରେ ଆମର ଧାରଣା ମଧ୍ୟ ଅଲଗା ହୋଇଯାଇଛି। ଆମେ ଆଜି ଆପଣଙ୍କୁ ଏ ବିଷୟରେ ଏମିତି କିଛି କଥା ଜଣାଇବୁ, ଯାହା ହୁଏତ ଆପଣ ପୂର୍ବରୁ କେବେ ଶୁଣି ନଥିବେ।
ରାତିରେ କାହିଁକି ଦେଖାଯାଆନ୍ତି ଭୂତ: କୁହାଯାଏ ଭୂତମାନେ ରାତିରେ ଦେଖାଯାଆନ୍ତି। କିନ୍ତୁ ଏପରି କାହିଁକି କୁହାଯାଏ। ସେମାନେ କ’ଣ ଦିନରେ ଚାଲୁଥିବା ଗାଡ଼ି ଘୋଡ଼ା ଶବ୍ଦକୁ ଡରି ଆସନ୍ତି ନାହିଁ ? ଏକଥା ଆପଣ କେବେ ଭାବିଛନ୍ତି କି ?
୧. କୁହାଯାଏ ରାତିରେ ଭୂତପ୍ରେତଙ୍କ ଶକ୍ତି ଦ୍ୱିଗୁଣିତ ହୋଇଯାଏ। ଅଧିକାଂଶ ଜିନିଷକୁ ସେମାନେ ନିୟନ୍ତ୍ରଣ କରିପାରନ୍ତି। ଏଥିପାଇଁ ରାତିର ନର୍ଚ୍ଛାଟିଆ ସ୍ଥାନରେ ଭୂତମାନେ ଶକ୍ତିଶାଳୀ ହୋଇଯାଆନ୍ତି ବୋଲି ଶୁଣିବାକୁ ମିଳେ।
୨. ବହୁତ କମ୍ ଲୋକଙ୍କୁ ଭୂତ ଦେଖାଯାଏ ବୋଲି ଶୁଣିବାକୁ ମିଳେ। କୁହାଯାଏ ଯାହାର ‘ଗଣ’ ଦୁର୍ବଳ ହୋଇଥାଏ ସେମାନଙ୍କୁ ଅଧିକ ଭୂତ ଦେଖାଯାଆନ୍ତି।
୩. ଏକ ଗବେଷଣାରୁ ଜଣା ପଡ଼ିଛି ଯେ ଛୋଟ ପିଲାମାନଙ୍କୁ ଓ ପଶୁମାନଙ୍କୁ ଅଧିକ ଭୂତ ଦେଖାଯାଆନ୍ତି। ଏଥିପାଇଁ ପିଲାମାନେ ଭୂତ ନାଁ ଶୁଣିଲେ ଡରନ୍ତି।
୪. ଆତ୍ମାର କୌଣସି ନିର୍ଦ୍ଦିଷ୍ଟ ରୂପ କିମ୍ବା ଆକାର ନଥାଏ।
୫. ବୈଜ୍ଞାନିକ ଆଲବର୍ଟ ଆଇନିଷ୍ଟାଇନି ମଧ୍ୟ ଭୂତ-ପ୍ରେତ ସମ୍ବନ୍ଧରେ ଗବେଷଣା କରିଥିଲେ। ତାଙ୍କ ମତରେ ଶକ୍ତି କେବେ ସରେନା କେବଳ ଶରୀର ବଦଳିଯାଏ।
