ସାଧାରଣତଃ କୁକୁରମାନେ ବେସ୍ ଚାଲାକ ଏବଂ ନିଜ ମାଲିକର ରକ୍ଷା କରିବା ପାଇଁ ସବୁବେଳେ ତତ୍ପର ରହୁଥିବା କୁହାଯାଇଥାଏ। କିନ୍ତୁ, ଏବେ ସୋସିଆଲ ମିଡିଆରେ ଏକ ବିଲେଇର ଭିଡ଼ିଓ ଖୁବ ଭାଇରାଲ ହେଉଛି ଯେଉଁଥିରେ ସେ ଏକ ଶିଶୁର ଜୀବନ ବଞ୍ଚାଉଥିବା ଦେଖିବାକୁ ମିଳୁଛି। ଏହି ଭିଡ଼ିଓଟି ବେସ୍ ପୁରୁଣା ହୋଇଥିଲେ ହେଁ ଏହା ପୁଣିଥରେ ସୋସିଆଲ ମିଡିଆରେ ଭାଇରାଲ ହେଉଛି।
ଭାଇରାଲ ହେଉଥିବା ଭିଡ଼ିଓରେ ଶିଶୁଟିଏ ତଳେ ଗୁରୁଣ୍ଡୁଥିବା ବେଳେ ଏକ ପୋଷା ବିଲେଇ ପାଖରେ ଥିବା ସୋଫା ଉପରେ ବସିଥିବା ଦେଖିବାକୁ ମିଳୁଛି। ତେବେ, ଶିଶୁଟି ଗୁରୁଣ୍ଡି ଗୁରୁଣ୍ଡି ସିଢ଼ି ପାଖକୁ ଚାଲି ଆସୁଛି ମାତ୍ର କିଛି ପାଦ ଆଗକୁ ଯାଇଥିଲେ ହୁଏତ ସେ ତଳେ ପଡିଯିବାର ମଧ୍ୟ ଭୟ ରହିଥିଲା। କିନ୍ତୁ, ଠିକ ସେହି ସମୟରେ ବିଲେଇଟି ହିରୋ ଭଳି ଏଣ୍ଟ୍ରି କରୁଛି ଏବଂ ତୁରନ୍ତ ଶିଶୁଟିକୁ ଧକ୍କା ଦେଇ ସିଢ଼ି ପାଖରୁ ଦୂରେଇ ଦେଉଛି। ଦେଖନ୍ତୁ ଭିଡ଼ିଓ:-
ଭିଡ଼ିଓଟି ପୁରୁଣା ହୋଇଥିଲେ ହେଁ ସୋସିଆଲ ମିଡିଆରେ ପୁଣିଥରେ ଭାଇରାଲ ହେଉଛି। ତେବେ, ଲୋକେ ଏହି ଭିଡ଼ିଓକୁ ନେଇ ଭିନ୍ନ ଭିନ୍ନ ପ୍ରକାରର କମେଣ୍ଟ କରୁଛନ୍ତି। ଲୋକେ ବିଲେଇକୁ ଏପରି କାର୍ଯ୍ୟ ପାଇଁ ପ୍ରଶଂସା କରୁଥିବା ବେଳେ ଶିଶୁଟିର ମାଆ ଓ ବାପାଙ୍କୁ ସେମାନଙ୍କ ଅବହେଳା ପାଇଁ ଟ୍ରୋଲ କରାଯାଉଛି।
