ବୁଧବାର ଦିନ ସ୍ଥାନୀୟ ବଫାଲୋ ପାର୍କରେ ଅନୁଷ୍ଠିତ ହୋଇଥିବା ୩ ଟି ମ୍ୟାଚ ବିଶିଷ୍ଟ ଟି୨୦ ସିରିଜରେ ଦକ୍ଷିଣ ଆଫ୍ରିକା ଇଂଲଣ୍ଡ କୁ ଏକ ସଂଘର୍ଷ ପୂର୍ଣ୍ଣ ଟି୨୦ ମ୍ୟାଚ ରେ ହରାଇ ୧-୦ରେ ଅଗ୍ରଣୀଲାଭ ଲାଭ କରିଛି। ସବୁଠାରୁ ଆଶ୍ଚର୍ଯ୍ୟର କଥା ଏହା ଯେ ଇଂଲଣ୍ଡ ପ୍ରଥମଥର ପାଇଁ ମାତ୍ର ୧ ରନ ରେ ଟି୨୦ ମ୍ୟାଚରେ ହାରିଛି ଏବଂ ଏହାସହ ଦକ୍ଷିଣ ଆଫ୍ରିକା ତୃତୀୟ ଟି୨୦ ମ୍ୟାଚ ଯେଉଁଥିରେ ସେ ୧ ରନ ରେ ମ୍ୟାଚ ଜିତିଛି, ଏହା ପୂର୍ବରୁ ମାତ୍ର ୧ ରନ ରେ ଦକ୍ଷିଣ ଆଫ୍ରିକା ନ୍ୟୂଜ଼ୀଲାଣ୍ଡ କୁ ୨୦୦୯ ମସିହାରେ ଏବଂ ୱେଷ୍ଟଇଣ୍ଡିଜ଼ କୁ ମଧ୍ୟ ୧ ରନ ରେ ୨୦୧୦ ମସିହାରେ ଟି୨୦ ମ୍ୟାଚରେ ହରାଇଥିଲା ।
ବୁଧବାର ଅନୁଷ୍ଠିତ ସଂଘର୍ଷପୂର୍ଣ୍ଣ ଟି୨୦ କ୍ରିକେଟ ମ୍ୟାଚରେ ଦକ୍ଷିଣ ଆଫ୍ରିକା ୧ ରନରେ ଇଂଲଣ୍ଡକୁ ପରାସ୍ତ କରିଛି। ଫଳରେ ୩ ମ୍ୟାଚ ବିଶିଷ୍ଟ ସିରିଜରେ ଦକ୍ଷିଣ ଆଫ୍ରିକା ୧-୦ରେ ଅଗ୍ରଣୀଲାଭ କରିଛି। ପ୍ରଥମେ ବ୍ୟାଟିଂ କରିଥିବା ଦକ୍ଷିଣ ଆଫ୍ରିକା ୨୦ ଓଭରରେ ୮ ଉଇକେଟ ହରାଇ ୧୭୭ ରନ କରିଥିଲା ।
ଜବାବରେ ଇଂଲଣ୍ଡ କୁ ଶେଷ ୨ ଓଭରରେ ୨୩ ରନ ଆବଶ୍ୟକ ହେଉଥିଲା । ଇଅନ ମୋର୍ଗାନ ଓ ମୋଇନ ଅଲୀ ପ୍ରତିପକ୍ଷ ବେନ୍ ହେଣ୍ଡ୍ରିକ୍ସ ବୋଲିଂ କରିଥିବା ୧୯ତମ ଓଭରରୁ ୧୬ ରନ ସଂଗ୍ରହ କରିଥିଲେ । ଏହି ଓଭରରେ ୨ ଚୌକା ଓ ୧ ଛକା ମାରିଥିବା ମୋର୍ଗାନ ୬ଷ୍ଠ ବଲ୍ରେ ଆଉଟ ହୋଇ ଯାଇଥିଲେ । ଅନ୍ତିମ ଓଭରରରେ ମାତ୍ର ୭ ରନ ଆବଶ୍ୟକ ହେଉଥିଲା ଏହି ଶେଷ ଓଭର ରେଦଳ ୩ ଉଇକେଟ ହରାଇ ମାତ୍ର ୫ ରନ କରିବାକୁ ସକ୍ଷମ ହୋଇଥିଲା । ଫଳରେ ଇଂଲଣ୍ଡ ୧ ରନ ରେ ମ୍ୟାଚ ହାରି ଯାଇଥିଲା।
