ହାମିଲଟନର ଶେଡନ ପାର୍କ ଏହି ସଂଘର୍ଷପୂର୍ଣ୍ଣ ଏବଂ ରୋମାଞ୍ଚକ ମ୍ୟାଚରେ ବୁଧବାର ତୃତୀୟ ଟି୨୦ ମ୍ୟାଚରେ ନ୍ୟୁଜିଲାଣ୍ଡକୁ ହରାଇ ସିରିଜ ଜିତିଛି ଟିମ୍ ଇଣ୍ଡିଆ । ଭାରତ ପ୍ରଥମ ଦୁଇ ମ୍ୟାଚ୍ ଜିତି ୨-୦ରେ ଆଗୁଆ ଥିବାରୁ ବୁଧବାରର ଏହି ମ୍ୟାଚ୍ ଶୃଙ୍ଖଳା ନିର୍ଣ୍ଣାୟକ ଥିଲା ।
କର ବା ମର ସ୍ଥିତିରେ ଥିବା ନ୍ୟୁଜିଲାଣ୍ଡ ଏଥିରେ ରଣନୀତି ବଦଳାଇ ଟସ୍ ଜିତି ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ଭାରତ ନିର୍ଧାରିତ ୨୦ ଓଭରରେ ୧୭୯ ରନ୍ କରିଥିଲା । ଏହାର ଜବାବରେ ନ୍ୟୁଜିଲାଣ୍ଡ ଅଧିନାୟକ କେନ୍ ୱିଲିୟମସନଙ୍କ ବିସ୍ଫୋରକ ୯୫ ରନ୍ ସତ୍ତ୍ବେ ନିର୍ଧାରିତ ୨୦ ଓଭରରେ ୬ ୱିକେଟ୍ ହରାଇ ସେହି ୧୭୯ ରନ୍ ହିଁ କରି ପାରିଥିଲା ।
ହେଲେ କିନ୍ତୁ ପ୍ଲେୟାର ଅଫ ଦି ମ୍ୟାଚ ହୋଇଥିବା ରୋହିତ କହିଛନ୍ତି ଯେ କେବଳ ମୋ ଶେଷ ଦୁଇଟି ବଲ ରେ ଦୁଇଟି ଛକା ମ୍ୟାଚ ଜିତାଇ ନାହିଁ ବରଂ ଶେଷ ଓଭରରେ ମହମ୍ମଦ ସାମିଙ୍କ ଚତୁର ବୋଲିଂ ଯୋଗୁ ୯ ରନ କରି ପାରିନଥିଲା ଘରୋଇ ଦଳ ସାମି ପ୍ରଥମ ବଲ୍ରୁ ୬ ରନ ଆସିବା ସତ୍ୱେ ମଧ୍ୟ ଶେଷ ବଲ୍ରେ ବିଜୟ ପାଇଁ ମାତ୍ର ୧ ରନ୍ର ଆବଶ୍ୟକ ଥିଲା ଫଳରେ ମ୍ୟାଚ୍ ଟାଇ ରହିଥିଲା,ସାମି ତୃତୀୟ ବଲ୍ରେ ଦୁର୍ଦ୍ଧର୍ଷ ୱିଲିୟମସନ୍ ଏବଂ ଶେଷ ବଲ୍ରେ ଅଭିଜ୍ଞ ରସ୍ ଟେଲରଙ୍କୁ ବୋଲ୍ଡ କରି ଭାରତକୁ ଜିତାଇବାରେ ବହୁ ମାତ୍ରାରେ ସାହାଯ୍ୟ କରିଥିଲା ।
