କ୍ରିସ୍ ଲିନ୍ ଆଉ ସୁନୀଲ ନାରିନଙ୍କ ବିସ୍ଫୋରକ ବ୍ୟାଟିଂ ବଳରେ କୋଲକାତା ନାଇଟ ରାଇଡର୍ସ ରବିବାର ଅନୁଷ୍ଠିତ ଆଇପିଏଲ ମ୍ୟାଚରେ ରାଜସ୍ଥାନ ରୟାଲ୍ସକୁ ୮ ଉଇକେଟରେ ହରାଇ ଦେଇଛି। ରାଜସ୍ଥାନ ପକ୍ଷରୁ ଧାର୍ଯ୍ୟ ୧୪୦ ରନ ବିଜୟ ଲକ୍ଷ୍ୟକୁ ନାଇଟ ରାଇଡର୍ସ ୧୩.୫ ଓଭରରେ ମାତ୍ର ୨ ଉଇକେଟ ହରାଇ ହାସଲ କରି ନେଇଥିଲା। ଏଥିସହ ନାଇଟ ରାଇଡର୍ସ ପଏଣ୍ଟ ଟେବୁଲର ଶୀର୍ଷସ୍ଥାନକୁ ଉନ୍ନୀତ ହୋଇଛି। ଉଭୟ ନାଇଟ ରାଇଡର୍ସ ଓ ଚେନ୍ନାଇ ସୁପରକିଙ୍ଗ୍ସ ୮ ପଏଣ୍ଟ ଲେଖାଏ ହାସଲ କରିଥିଲେ ହେଁ ରନ ହାରରେ କୋଲକାତା ଫ୍ରାଞ୍ଚାଇଜ୍ ଦଳ ଉପରେ ରହିଛି।
ସଂକ୍ଷିପ୍ତ ସ୍କୋର:
ରାଜସ୍ଥାନ ରୟାଲ୍ସ ୨୦ ଓଭରରେ ୧୩୯/୩ (ଷ୍ଟିଭେନ୍ ସ୍ମିଥ୍-୭୩*, ଜୋସ୍ ବଟଲର୍-୩୭, ହ୍ୟାରି ଗୁର୍ନି-୨/୨୫, ପ୍ରସିଦ୍ଧ କୃଷ୍ଣ-୧/୩୫)।
କୋଲକାତା ନାଇଟ୍ ରାଇଡର୍ସ ୧୩.୫ ଓଭରରେ ୧୪୦/୨ (କ୍ରିସ୍ ଲିନ୍-୫୦, ସୁନୀଲ ନରିନ୍-୪୭, ରବିନ୍ ଉଥପ୍ପା-୨୬*, ଶ୍ରେୟସ ଗୋପାଳ-୨/୩୫)।
ପୁଣି ଥରେ ଘଟିଲା ଏକ ରୋଚକ ଘଟଣା:
ଘଟଣା ଏମିତି ଥିଲା କି କଲିକତା ପାଳି ର ଚତୁର୍ଥ ଓଭର ରେ କୃଶ ଲୀନ ଙ୍କୁ କୁଲକରଣୀ ବଲିଙ୍ଗ କରୁଥିଲେ, ଆଉ ବଲ ଟି ଵିକେଟ କୁ ବାଜିଥିଲା ମାତ୍ର ବେଲ ପଡ଼ିନଥିଲା । ଏହା ଦେଖି କୁଲକରଣୀ ଆଉ ଅଧିନାୟକ ରାହାଣେ ବି ଆଶ୍ଚର୍ଯ୍ୟ ହୋଇଯାଇଥିଲେ ।
