ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଟ୍ୱିଟର ଆକାଉଣ୍ଟ ର ନାମ କୁ ବଦଳାଇ ରଖିଦେଇଛନ୍ତି ଚୌକିଦାର ନରେନ୍ଦ୍ର ମୋଦି, ଏହା ସାରା ଭାରତରେ ଚର୍ଚା ର ବିଷୟ ହୋଇଛି। ଲୋକସଭା ନିର୍ବାଚନକୁ ଆଖି ଆଗରେ ରଖି ‘ଚୌକିଦାର’ ଛବିକୁ ଦେଖି ପିଏମ୍ ମୋଦି ନିଜ ବ୍ୟକ୍ତିଗତ ଟ୍ୱିଟର ଆକାଉଣ୍ଟ ର ନାମ ବଦଳାଇ ଦେଇଚଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ପରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ ସମେତ ସବୁ ବିଜେପି ନେତା ନିଜ ଟ୍ୱିଟର ଆକାଉଣ୍ଟ ନାମ ଆଗରେ ‘ଚୌକିଦାର’ ଶବ୍ଦକୁ ଲଗାଇଛନ୍ତି ।
ଏଥିରେ ପିୟୁଷ ଗୋଏଲ୍ ,ଅମିତ୍ ମାଲବିୟ,ତେଜିନ୍ଦର ବଗ୍ଗା ମଧ୍ୟ ସାମିଲ୍ ଅଛନ୍ତି । ବିଜେପି ଶାସିତ ରାଜ୍ୟର କିଛି ମୁଖ୍ୟମନ୍ତ୍ରୀ ମଧ୍ୟ ନିଜ ନାଁ ଆଗରେ ‘ଚୌକିଦାର’ ଶବ୍ଦକୁ ଯୋଡି ଦେଇଛନ୍ତି । ପ୍ରଧାନମନ୍ତ୍ରୀ ମୋଦି ଶନିବାର #MainBhiChowkidar ମାଧ୍ୟମରେ ପ୍ରି-ପୋଲ୍ କ୍ୟାମ୍ପେନର ଆରମ୍ଭ କରିଛନ୍ତି । ସେ ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ପୋଷ୍ଟ କରିଛନ୍ତି ଯେଉଁଥିରେ ସେ ଆପଣଙ୍କ ଚୌକିଦାର ସାହସର ସହ ଠିଆ ହେବା ସହ ଦେଶର ସେବା କରୁଛି ।
ପ୍ରଧାନମନ୍ତ୍ରୀ ମୋଦି ଭିଡିଓ ସେୟାର୍ କରି ଲେଖିଥିଲେ , ମୁଁ ଏକୁଟିଆ ନାହିଁ , ପ୍ରତିଟି ବ୍ୟକ୍ତି ଯେ ଭ୍ରଷ୍ଟାଚାର ,ସାମାଜିକ କନ୍ଦଳ ସହ ଲଢେଇ କରୁଛନ୍ତି ସେମାନେ ମଧ୍ୟ ଦେଶର ଜଣେ ଜଣେ ଚୌକିଦାର । ପ୍ରତିଟି ମଣିଷ ଯେ ଦେଶର ପ୍ରଗତି ପାଇଁ କାମ କରୁଛନ୍ତି ସେ ସବୁ ଜଣେ ଜଣେ ଚୌକିଦାର । ପ୍ରଧାନମନ୍ତ୍ରୀ ଙ୍କ ଏପରି ନିଷ୍ପତି କୁ ଜନତା ସ୍ୱୀକାର କରିଛନ୍ତି ତ କିଛି ଲୋକେ ଏହାକୁ ବିରୋଧ ମଧ୍ୟ କରିଛନ୍ତି ।
