ଭୁବନେଶ୍ୱର: ୟୁନିଫର୍ମରେ ଥିବା ଜଣେ ମହିଳା ପୋଲିସ୍ କର୍ମଚାରୀଙ୍କ ଟିକ୍ ଟକ୍ ଭିଡିଓ ଏବେ ମୋବାଇଲ ଠୁ ମୋବାଇଲ ଭାଇରାଲ ହୋଇଛି । ଡ୍ୟୁଟି କୁ ଫାଂକି ମହିଳା ପୋଲିସ କର୍ମଚାରୀ ଜଣଙ୍କ ବଲିଉଡ ଗୀତରେ ନାଚିବା ସହ ଭିଡିଓ ସେୟାର କରିଛନ୍ତି । ସୋସିଆଲ ମିଡିଆ ପ୍ଲାଟଫର୍ମ ଟିକଟୋକରେ ଅପଲୋଡ୍ ହୋଇଥିବା ଏହି ଭିଡିଓ ଏବେ ପୁରା ରାଜ୍ୟରେ ଚର୍ଚ୍ଚା ର ବିଷୟ ପାଲଟିଛି । ଭାଇରାଲ ହୋଇଥିବା ଭିଡିଓଗୁଡିକ ସୋସିଆଲ ମିଡିଆ ପ୍ଲାଟଫର୍ମରେ ୟୁଜର୍ ଆଇଡି ‘@anbhika’ ରେ ଅପଲୋଡ୍ ହୋଇଥିବା ଜଣାଯାଇଛି ।
ଏହାଛଡା, ଟିକ ଟକ୍ ଡିଓରେ ଡ୍ୟାନ୍ସ ମୁଭ୍ କରୁଥିବା ବେଳେ ମହିଳା ପୋଲିସ ତାଙ୍କ ୟୁନିଫର୍ମ ପିନ୍ଧିଥିବାର ନଜର ଆସିଥିଲେ । ତାଙ୍କ ସହ ଭିଡିଓରେ ତାଙ୍କ କିଛି ସହକର୍ମୀମାନେ ମଧ୍ୟ ନଜର ଆସିଥିବା ଦେଖାଯାଇଛି । ଏହା ପୋଲିସ୍ କର୍ମଚାରୀଙ୍କ ୟୁନିଫର୍ମ ପ୍ରତି ସମ୍ମାନ ଏବଂ ସେମାନଙ୍କର ଉତ୍ସର୍ଗୀକୃତତା ଉପରେ ଅନେକ ପ୍ରଶ୍ନବାଚୀ ସୃଷ୍ଟି କରିଛି । କାରଣ ପୋଲିସ ଡ୍ୟୁଟି ବେଳେ ଏପରି କରିବା ଭୁଲ ବୋଲି କିଛି ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି ।
ଗତ ବର୍ଷ ମାଲକାନଗିରି ଜିଲ୍ଲା ମୁଖ୍ୟାଳୟ ହସପିଟାଲରେ ଅସୁସ୍ଥ ଏବଂ ନ୍ୟୁ ବର୍ନ କେୟାର ୟୁନିଟ୍ (SNCU) ଭିତରେ ନାଚୁଥିବା ଏକ ନର୍ସଙ୍କ ଟିକଟୋକ ଭିଡିଓ ଭାଇରାଲ ହୋଇଥିଲା । ପରେ ଡାକ୍ତରଖାନା ପ୍ରଶାସନ ନର୍ସଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ।
