ବଲିଉଡର ଦିଗ୍ଗଜ ଅଭିନେତ୍ରୀ ଡିମ୍ପଲ କପାଡିଆ ଙ୍କ ମା’ ବେଟ୍ଟି କପାଡିଆ ଙ୍କ ୮୦ ବର୍ଷ ବୟସରେ ପରଲୋକ ହୋଇଛି । ଦୀର୍ଘଦିନ ହେବ ସେ ଅସୁସ୍ଥ ଥିବା ବେଳେ ତାଙ୍କୁ ମୁମ୍ବାଇର ହିନ୍ଦୁଜା ହସ୍ପିଟାଲରେ ଭର୍ତ୍ତି କରାଯାଇଥିଲା । ନିଶ୍ୱାସ-ପ୍ରଶ୍ୱାସ ନେବାରେ ଅସୁବିଧା ହେବା କାରଣରୁ ତାଙ୍କୁ 20 ଦିନ ହେବ ହସ୍ପିଟାଲରେ ଭର୍ତି କରାଯାଇଥିଲା । ଏହା ସହିତ ତାଙ୍କୁ ଆହୁରି କେତେ ଅସୁବିଧା ଥିଲା, ଯାହାଫଳରେ ତାଙ୍କୁ ICU ରେ ରଖାଯାଇଥିଲା କିନ୍ତୁ କାଲି ରାତିରେ ସେ ଶେଷ ନିଶ୍ୱାସ ନେଇଥିଲେ । ଏହି ସମୟରେ ହିନ୍ଦୁଜା ହସ୍ପିଟାଲରେ ଅକ୍ଷୟ କୁମାର, ଟ୍ବିଙ୍କଲ ଖାନ୍ନା ଓ କରଣ କାପଡ଼ିଆ ଉପସ୍ଥିତ ଥିଲେ ।
ବେଟ୍ଟି କପାଡିଆ ହସ୍ପିଟାଲରେ ଭର୍ତି ହେବା ପରେ ଖବର ଆସିଥିଲା କି ଡିମ୍ପଲ କପାଡିଆ ଅସୁସ୍ଥ ଅଛନ୍ତି । ଯାହାପରେ ଡିମ୍ପଲ କପାଡିଆ କହିଥିଲେ କି ‘ ମୁଁ ବର୍ତମାନ ବଂଚିଛି ଓ ଭଲ ଅଛି । ମୋର ମା’ ହସ୍ପିଟାଲରେ ଭର୍ତି ଅଛନ୍ତି । ମୁଁ ଏବିଷୟରେ କଥା ହେବାକୁ ଚାହୁଁନି । ମୋର ମା’ ଠିକ ହେଉଛନ୍ତି । ସେ ବର୍ତମାନ ପୂର୍ବ ଅପେକ୍ଷା ଭଲ ଅଛନ୍ତି । ମୋତେ ପ୍ରାର୍ଥନା ଓ ଶୁଭକାମନା ର ଆବଶ୍ୟକତା ଅଛି ।
‘ଆଜି ସକାଳୁ ଟ୍ବିଙ୍କଲ ଖାନ୍ନା ଙ୍କ ଘରକୁ ବଲିଉଡ ସେଲେବ୍ରିଟୀମାନେ ବେଟ୍ଟି କପାଡିଆ ଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ପହଁଚିଲେ । ସେଠାରେ ସନୀ ଦେୱଲ, ଋଷି କପୁର ଓ ଅନ୍ୟ କେତେ ଷ୍ଟାରମାନେ ଉପସ୍ଥିତ ଥିଲେ । ବର୍ତମାନ ବେଟ୍ଟି କପାଡିଆ ଅନ୍ତିମ ଯାତ୍ରାର ଫଟୋ ସୋସିଆଲ ମିଡିଆରେ ସାମ୍ନାକୁ ଆସିଛି ।
ବେଟ୍ଟି କପାଡିଆ ଦୁଇ ସପ୍ତାହ ପୂର୍ବରୁ ନିଜର ୮୦ ତମ ଜନ୍ମଦିନ ପାଳନ କରିଥିଲେ । ଯାହା ପାଇଁ ତାଙ୍କର ପୁରା ପରିବାର ଏକାଠି ହୋଇଥିଲେ । ବେଟ୍ଟି କପାଡିଆ ଙ୍କର 4ଟି ଛୁଆ, ସେମାନଙ୍କ ନାମ ହେଉଛି ଡିମ୍ପଲ କପାଡିଆ, ସିମ୍ପଲ କପାଡିଆ, ରୀମ କପାଡିଆ ଓ ସୁହୈଲ କପାଡିଆ । ଡିମ୍ପଲ କପାଡିଆ ଙ୍କ ଝିଅ ଟ୍ୱିଙ୍କଲ ଖାନ୍ନା ଓ ଅକ୍ଷୟ କୁମାର ତାଙ୍କର ଜ୍ୱାଇଁ ।
