ଆଜି କଲି ସବୁ ପୁଅମାନେ ଚାହାନ୍ତି ସ୍ଵସ୍ଥ ଏବଂ ବଳଶାଳୀ ରହିବା ପାଇଁ ମାତ୍ର କେବଳ ଜିମ ଯାଇ ଵର୍କ ଆଉଟ କଲେ ଶରୀର ସ୍ଵସ୍ଥ ଏବଂ ମଜବୁତ ରହେ ନାହିଁ । ଏତେ ସବୁ କଲା ପରେ ମଧ୍ୟ ପୁରୁଷମାନଙ୍କ ସ୍ଵାସ୍ଥ ରେ ଅସୁସ୍ଥତା ଦେଖା ଯାଇଥାଏ । ଆସନ୍ତୁ ଜାଣିବା ଏମିତି କିଛି ଖରାପ ଅଭ୍ୟାସ ବିଷୟରେ ଯାହାକୁ ତ୍ୟାଗ କଲେ ପୁରୁଷମାନଙ୍କ ସ୍ଵାସ୍ଥ ଜନିତ ସବୁ ସମସ୍ୟା ଦୂର ହେବ ।
ଅଧିକ ରାତ୍ରି ଯାଇ ଚେତା ରହିବା :
ସମସ୍ତଙ୍କ ପାଖରେ ଆଜିର ସମୟରେ ମୋବାଇଲ ଆଉ ଇଣ୍ଟରନେଟ ସୁବିଧା ଉପଲବ୍ଧ ଅଛି । ଅଧିକ ସମୟ ଯାଇ ରାତ୍ରି ରେ ନ ସୋଇ ମୋବାଇଲ ରେ ବ୍ୟସ୍ତ ରହିବା ସ୍ଵାସ୍ଥ ପାଇଁ ହାନିକାରକ ହୋଇଥାଏ । ନିଦ ପୁରା ନହେବା ଫଳରେ ଦିନସାରା ମଣିଷକୁ ହାଲିଆ ଲାଗେ ଓ କୌଣସି କାମରେ ମନ ଲାଗି ପାରେନାହିଁ । ଅଧିକ ସମୟରେ ଚେତା ରହିବା ଫଳରେ ବ୍ଲଡ଼ ପ୍ରେସର ଆଉ ଡ଼ାଈବିଟିଜ ଭଳି ସମସ୍ୟା ଦେଖାଯାଏ ।
ଭୋଜନ ଠିକ ସମୟରେ ନ କରିବା:
ଆଜି କାଲିର ବ୍ୟସ୍ତ ବହୁଳ ଜୀବନରେ ପୁରୁଷମାନେ ଚାକିରୀ ରେ ବ୍ୟସ୍ତ ରହି ନିଜର ଭୋଜନ କୁ ଠିକ ସମୟରେ ଗ୍ରହଣ କରି ପାରୁ ନାହାନ୍ତି । ଏହା ଫଳରେ ଶରୀରକୁ ଠିକ ସମୟରେ ପୋଷକ ତତ୍ୱ ମିଳି ପାରୁନାହିଁ । ଯାହା ଦ୍ୱାରା ଶାରୀରିକ ସମସ୍ୟା ଦେଖା ଯାଇଥାଏ ।
ଅଧିକ ଚିନ୍ତିତ ରହିବା:
ପୁରୁଷମାନେ ନିଜ ଚାକିରୀ ଓ ଘର ସମସ୍ୟା କୁ ନେଇ ଅଧିକ ଚିନ୍ତିତ ଥାଆନ୍ତି । ଅଧିକ ଚିନ୍ତିତ ରହିଲେ ଆମ ଶରୀର ସ୍ଵାସ୍ଥ ରହେ ନାହିଁ, ଏହା ଦ୍ୱାରା ମଣିଷର ମସ୍ତିସ୍କ ଉପରେ ବିଶେଷ କରି ଖରାପ ପ୍ରଭାବ ପଡେ ।
